Qeveria e Kosovës miratoi një ligj “Global Magnitsky për të drejtat e njeriut” në një seancë këtë javë, i cili sanksionon njerëzit që shkelin të drejtat e njeriut kudo në botë.
Sipas qeverisë, Kosova është bërë shteti i parë në Evropën Juglindore që bashkohet me Shtetet e Bashkuara, Kanadanë dhe disa vende evropiane në miratimin e ligjit.
Qëllimi i ligjit “Magntisky” është të që krijojë një instrument që parashikon masa kufizuese ndaj shtetasve të huaj ose subjekteve përgjegjëse për shkelje të mëdha të të drejtave të njeriut të njohura ndërkombëtarisht, si dhe luftën kundër terrorizmit dhe krimit ndërkombëtar.
Siç tha ministri i Jashtëm në largim, Behgjet Pacolli në një seancë qeveritare, ky akt do të parandalojë që shkelësit e të drejtave të njeriut të hyjnë në Kosovë. Pacolli shkoi në Twitter për të njoftuar se është krenar për këtë vendim të qeverisë së shtetit të tij.
Zbatimi i ligjit do të trajtohet nga Ministria e Punëve të Jashtme në bashkëpunim me ministritë përkatëse dhe agjencitë e sigurisë.
Akti Magnitsky është emëruar sipas një avokati dhe informatori rus, Sergei Magnitsky, i cili zbuloi një mashtrim taksash në Rusi në vitin 2008 që përfshte 23 kompani dhe gjithsej 230 milion dollarë, aferë që lidhej me Kremlinin zyrtar dhe individë të afërt me qeverinë ruse.
Kjo bëri që Sergei Magnitsky të arrestohej dhe më pas ndërroi jetë në një burg në Moskë në vitin 2009, ndërsa qeveritë perëndimore dhe organizatat e të drejtave të njeriut pretenduan se ai ishte torturuar dhe vdiq në rrethana misterioze disa ditë para se të lirohej.
Projekt-ligji u nënshkrua për herë të parë nga ish-Presidenti Barack Obama në 2012. Ligji atëherë ndaloi hyrjen e 18 zyrtarëve të qeverisë ruse dhe biznesmenëve në SHBA, ndërsa fondet e tyre në bankat amerikane ishin të ngrira. Kremlini, në përgjigje të një vendimi të tillë amerikan, ka marrë një masë që i ndalon qytetarët amerikanë të birësojnë fëmijë rusë, si dhe të ndalojnë hyrjen e një numri të amerikanëve në Rusi.
Në Dhjetor 2016, Kongresi Amerikan miratoi një ndryshim në Aktin Magnitsky, i cili i jep Presidentit amerikan një autoritet më të madh për të vendosur sanksione ndaj shkelësve të të drejtave të njeriut në të gjithë botën. /tesheshi.com/
