Edhe pse vetë tingulli shpesh krijon të qeshura mes të pranishmëve, lemza di të jetë shumë e pakëndshme dhe irrituese, posaçërisht kur përsëritet për një kohë të gjatë.
Lemza paraqet një kotraksion të padëshiruar dhe të pakontrolluar të diafragmës, e cila mund të përsëritet disa herë përgjatë një minute. Kontraksioni pasohet me mbyllje të telave të zërit, që rezulton me një tingull karakteristik. Në pjesën më të madhe të rasteve, lemza ndalon pas vetëm disa minutave.
Çka mund ta shkaktojë lemzën?
Shkaktarët më të shpeshtë për paraqitjen e lemzës janë: Ngrënia shumë e shpeshtë apo tejngopja me ushqim. Emocione të forta, siç janë frika, shqetësimi, gëzimi apo euforia.
Si mund ta ndihmoni veten?
Më së shpeshti, lemza zhduket në një afat prej vetëm disa minutave. Vetëm në raste të rralla, ajo është shenjë për ndonjë problem më të madh shëndetësor. Nëse lemza nuk ndalon në një afat prej 48 orëve, kërkoni ndihmë nga personeli profesional. Ekzistojnë më shumë mënyra të ndryshme me të cilat mund ta ndalni lemzën.
Disa nga to, ndoshta do t’ju duken qesharake, por ia vlen që t’u jepni shansin.
– Merrni frymë thellë dhe numëroni deri në 10 para se të lëshoni frymën. Përsëriteni 3-4 herë
Pini ujë të ftohtë.
– Pini shpejt 10 gllënka me ujë të ftohtë, ose bëni gargara me ujë të ftohtë.
– Hani një lugë sheqer ose mjaltë.
– Nxirrni fuqishëm gjuhën jashtë që ta ndërpreri lemzën dhe mbyllni veshët lehtë. /tesheshi.com/
