Kjo është një foto e shkrepur nga ekipi kirurgjik i Shërbimit Kombëtar të Kujdesit Shëndetësor (NHS) të cilët vijnë nga vende të ndryshme të Bashkimit Evropian. Dhe ka një arsye se përse kjo foto është bërë virale në media sociale.
Ajo titullohet “Ne jemi Evropë!” dhe tregon tri infermiere spanjolle, një radiolog irlandez, një anesteziolog gjerman, një urolog grek dhe një urolog tjetër pakistanezo-britanik.
Junaid Masood, i cili postoi foton gjatë orarit të punës në spitalin universitar Homerton në lindje të Londrës, tha se emigracioni është shtylla kurrizore e Shërbimit Kombëtar të Kujdesit Shëndetësor (NHS).
Mjeku urolog shkroi: “Sot kemi pasur një prej ditëve të vështira të punës për përmirësimin e shëndetit të njerëzve! Kjo është ajo çfarë bëjnë miqtë tanë nga Evropa për NHS.”
Ai shtoi: “Le të flasim si të punojmë së bashku, dhe jo si të jemi shoqëri e përçarë. Emigrimi ka qenë gjithmonë shtylla kurrizore e NHS, ndaj të cilës të gjithë ushqejmë një dashuri, dhe e cila është e dobishme për shoqërinë dhe vendin tonë!”
Dhe ky është një ndër ato raste ku fotoja vlen sa mijëra fjalë. Diçitura e saj, e cila ka qenë njëherësh dhe titulli i shkrimit respektiv, është: “Çfarë domethënie ka emigracioni për Britaninë” /tesheshi.com/
