Mos bëj kurrë parashikime për të ardhmen. Kështu thoshte Mark Twain, Yogi Berra apo Niels Bohr ose të tre bashkë.
Por, nëse do të duhet të bësh parashikime, ke vetëm dy mundësi: të luash në zonë të sigurt dhe të parashikosh të dukshmen, ose të bësh optimistin saqë askush mos të të marrë seriozisht.
Duke përdorur qasjen e parë, 2016 do të sjellë tragjedi të reja në Siri dhe në Jemen, një fluks të pandërprerë refugjatësh në Europë, një tjetër kapitull të krizës greke dhe daljes së saj nga eurozona, thatësirë edhe më të thellë në lindje të Kinës dhe në perëndimin e Amerikës, dhe telashe të tjera për shtetet në përgjithësi dhe sipërmarrjen si dhe një numër të tmerrshëm samitesh që do të përpiqen të përballen me të gjitha këto probleme.
Korrupsioni do të vijojë të dënojë tre të katërtat e botës, duke e lënë pjesën më të madhe të njerëzimit të zhgënjyer dhe me më pak gjasa që të shkojnë të votojnë.
Por, le të lëmë pak vend edhe për optimizëm. Do të ketë më pak luftëra në vitin 2016 sesa në shumë vjetët e fundit. Dhe ndërsa Koretë nuk kanë gjasa të unifikohen, Qiproja e ka këtë mundësi. Zgjedhjet për dy nga detyrat më të rëndësishme në botë – në Shtetet e Bashkuara dhe në Kombet e Bashkuara – mund të ngrenë në këto poste për herë të parë gratë.
Shkenca mund të na thonë më shumë se ç’kemi ditur deri tani për paraardhësit tanë, për veten dhe universin.
Përzierja e fuqishme midis kontrollit të lindjeve dhe rritjes së mirëqenies që niveloi lindjet në shoqëritë perëndimore në periudhën e pasluftës, do të vendosë nën presion edhe shoqëritë afrikane. Mund të mos shkojmë 11 milionë njerëz.
Dhe përtej titujve kryesorë, shumica dërrmuese e njerëzve do të vijojë jetën e ndershme, të zakonshme e të pandikuar nga pulsimet e pesimizmit që tentojnë të ndotin ndjesinë e përgjithshme të të ndjerit mirë. Kush e di, mund edhe të nisim të kuptojmë se lumturia nuk qëndron në median sociale, dhe 2015 mund të arkivohet si piku i “share”-ve. Kjo e fundit mund të jetë tepër optimiste?
Ngjarjet kryesore të vitit të ardhshëm:
Zgjedhjet në SHBA
Askush nuk e parashikon dot kursin e politikës amerikane në 12 muajt e vitit të ardhshëm. Beteja për Shtëpinë e Bardhë, që tashmë ka nisur me tonalitete të larta në media, do të dominojë gjithçka. Por, ende nuk ka nisur fushata e vërtetë në elektorat që do të zgjasë deri më 4 Nëntor dhe që do të ketë ndikime në të gjithë botën.
Kina
Sipas Zodiakut kinez, viti 2016 shënohet si viti i Majmunit, një kohë e përshtatshme që ata që presin të bëhen prindër të kenë fëmijë të shkathët. Për partinë Komuniste e shefin e saj, Xi Jinping, që mbush tre vjet si president këtë janar, oguret janë më pak premtues. Shumë ngjarje të 2015, do të kenë ndikimin e tyre në vitin e ardhshëm, duke nisur nga keqmenaxhimi i financave, dobësimi i popullaritetit, disidentët në rritje.
Bota dixhitale
Për njerëzit që kanë një kompjuter, domethënë për shumicën, 2015 nuk ishte një vit i mbarë. Por, viti i ardhshëm mund të jetë edhe më keq. Sulmet kibernetike dhe vjedhja e të dhënave nga shumë faqe zyrtare dhe jo të tilla nuk ka gjetur ende përgjigjen e duhur. Shkelje të tilla të sigurisë dhe privatësisë do të rriten, pavarësisht të rejave teknologjike që synojnë mbrojtjen e konsumatorit.
Brexit
Vitin e ardhshëm, Britania mund të votojë për t’u larguar nga BE. Sigurisht kjo është një mundësi, e nuk ka siguri se për çfarë do të votojnë britanikët. Por nisur nga faktet aktuale, e sigurt është se kryeministri David Cameron nuk do ta vonojë edhe më referendumin që ka premtuar prej kaq kohësh për shkak se nuk ka asgjë për të fituar nga kjo lëvizje.
Rusia
Viti i 16 i Putin në krye të Rusisë është ndoshta më i paparashikueshmi. Forca ajrore e vendit është e angazhuar në operacione jashtë kufijve të Bashkimit Sovjetik, për herë të parë në një brez. Qasja e Rusisë në Ukrainës është lënë pezull në një gjysmë-armëpushimi ndërsa ekonomia ruse po vuan peshën e çmimeve të ulëta të naftës.
Qipro
Viti 2016 konsiderohet si i vështirë për negociatorët e paqes. Por pavarësisht gjasave, Qipro mund të sfidojë shanset dhe të zgjidhë konfliktin e vet të gjatë. Ishulli strategjik i Mesdheut përballet me atë që vëzhguesit e quajnë mundësi historike.
Shefi i ri i OKB
Deri në fund të vitit 2016, do të ketë një sekretar të ri të Përgjithshëm për Kombet e Bashkuara. Dhe ka shumë shanse që do të jetë një grua që do të pasojë Ban Ki-Moon. Por nëse kjo do të bëjë ndryshimin në botë, mbetet për t’u parë.
Pregatiti – Juli Prifti/tesheshi.com/
