Çfarë dite është sot? Nëse ju duhet të mendoheni pak për tu përgjigjur, mos u shqetësoni. Ka edhe të tjerë si ju që i kujtojnë me vështirësi ditët e javës. Sipas një studimi anglez, të publikuar në revistën Plos One, e mërkura është dita më e vështirë për tu kujtuar, ndërsa ditët e tjera, të cilat lidhen me fundjavën, janë ato që mbahen mend më lehtë.
Kërkuesit në universitetet York, Lincoln dhe Hertfordshire u kanë kërkuar të intervistuarve të thonë se çfarë dite jave ishte ajo, gjatë së cilës është bërë intervista. Të hënën e kanë cilësuar si ditën më të mërzitshme të javës, ndërsa e premtja është asociuar me nisjen e fundjavës.
Më të vështira për tu kujtuar janë ditët në mesjavë. David Ellis, studiues në Shkollën e Psikologjisë në Universitetin Lincoln konfirmon: “Cikli i javës përsëritet për të gjithë ne që nga lindja e çdo ditë e javës ka karakteristikat e saj”. Me sa duket, ditët e fillim dhe fund javës përdoren më së shumti në fjalorin e përditshëm, ndërsa dita e mërkurë harrohet më me lehtësi, ndaj është e vështirë të kujtohet./tesheshi.com/
