Çfarë di Elon Musk për “grushtin e shtetit” në Rusi?

Duke përdorur platformën e tij, përkatësisht Tëitter-in, biznesmeni i njohur amerikan shpreh mendimet e tij dhe tregon se edhe ai është veçanërisht i shqetësuar për atë që ndodhi dje në Rusi.

Në një nga postimet e shumta që ka bërë orët e fundit në lidhje me “grushtin e shtetit” atje, ai ka postuar një foto përmes së cilës dëshiron të shprehë konfuzionin dhe dyshimet e tij për atë që po ndodh me “luftën civile” brenda shtetit rus, pas një rebelimi të Wagner-it dhe kreut të tij Yevgeny Prigozhin, mik i Putinit.

Në foton që ai ka postuar shihen dy persona identikë, të dy me flamurin rus në kokë dhe njëri prej tyre i drejton tjetrit armën pas shpine.

Diçitura që përdor Musk është “Mos i beso askujt, madje as vetes”.

Interpretimi mund të jetë i shumëfishtë. Nga njëra anë, mund të nënkuptojë se nuk mund t’i besosh askujt, qoftë edhe ushtrisë që deri pak kohë më parë e kishit në komandë dhe e paguanit shtrenjtë.

Një shpjegim tjetër është se ai mund të jetë duke përqafuar edhe versionin se pas grushtit të shtetit fshihet diçka tjetër nga mercenarët e Wagner-it, gjë që nuk e shohim në këtë moment dhe mbetet për t’u parë në ditët në vijim.

Gjithsesi, audienca e tij është e ndarë. Disa argumentojnë se ai di shumë më tepër sesa lejon. Por ka nga ata që nuk i vlerësojnë këto lloj komentesh. /tesheshi.com/