Kanë kaluar mbi gjashtë orë nga takimi ndërmjet kryetarit të Partisë Demokratike Lulzim Basha, me ambasadorët e SHBA dhe BE dhe asnjë informacion nuk është dhënë mbi këto bisedime. Partia Demokratike ka dërguar dy njoftime zyrtare, përkatësisht fjalën e zotit Bashan ë mbledhjene grupit dhe një deklaratë se po I bëhët presion të arrestuarit Durim Bami, por jo mbi takimin me ambasadorët. Ajo që dihet është se takimi u zhvendos papritur nga selia aktuale e PD-së tek zyrat e delegacionit të BE-së në Tiranë. Siç mësohet diplomatët kanë kërkuar mendimin e PD-së për dekriminalizimin dhe se çfarë përfaqësonte realisht ky koncept. Ndërkohë, një burim diplomatik bëri të ditur se “janë shkëmbyer edhe infiormacione, ndaj dhe u ndryshua vendtakimi”.
Ndërkaq PS akuzon policinë se po torturohet Durim Bami
Deklarata e PD
Prej mëngjesit kur Bami është ndaluar, personi kyç në skenarin e akuzave për vrasje që rëndojnë ndaj kryetarit të Parlamentit, po mbahet në ambjentet sekrete të Policisë së Shtetit, pa avokat dhe nën presion e torturë, vetëm me një qëllim. Që të manipulojnë dëshminë e tij.
Partia Demokratike denoncon metodat e sigurimit të shtetit dhe shkeljen e procedurave ligjore që po përdoren ndaj dëshmitarit Durim Bami, personit kyç në skenarin e akuzave për vrasje që rëndojnë ndaj kryetarit të Parlamentit.
Deputeti Doshi ka akuzuar kryetarin e Kuvendit se ka porositur pikërisht të ndaluarin e sotëm për ekzkutimin e tij dhe të deputetit Fufi.
Prej mëngjesit kur Bami është ndaluar, po mbahet në ambjentet sekrete të Policisë së Shtetit, pa avokat dhe nën presion e torturë, vetëm me një qëllim. Që të manipulojnë dëshminë e tij.
Deputeti Doshi është shprehur se ka fakte dhe prova, ka dëshminë e tij përmes videos, që ka treguar se është porositur dhe paguar nga Kryetari i Kuvendit për të bërë vrasjen e dy deputetëve. Pak ditë më parë, dëshmitari, personi kyc në këtë skenar mafioz të pushtetit, është tentuar të eleminohet fizikisht përmes vendosjes së eksplozivit në makinën e tij.
Partia Demokratike e denoncon këtë akt mafioz me metoda tipike të sigurimit të shtetit, si një manovër gangsterësh në pushtet, për të shpëtuar nga akuza më e rëndë e 25 viteve të fundit.
Po synohet manipulimi i dëshmitarit, dhe pas kësaj skeme, njësoj e rëndë si skenari i vrasjes së dy deputetëve, qëndron Ilir Meta dhe Edi Rama.
Nxisim Prokurorinë të marrë menjëherë situatën në dorë, të hetojë në mënyrë ligjore e të pavarur, ta nxjerrë çështjen më të rëndësishme të vendit nga bodrumet e errëta e me tortura të Policisë së Edi Ramës dhe Ilir Metës.
