Negociatat e nisura në Kretë pritet të vazhdojnë në Korçë mes homologëve të Punëve të Jashtme të Shqipërisë dhe Greqisë, Ditmir Bushati dhe Nikos Kotzias. Edhe pse në përfundim të raundit të parë të bisedimeve u fol për progres për çështje të rëndësishme për të dyja palët, nuk u konkretizua asnjë marrëveshje dhe u tha ministrat se do takoheshin sërish në Tiranë.
Duket se takimi do të mbahet më 19- 20 janar, por jo në kryeqytet, por në Korçë. Datat e takimit u bënë të ditura nga ministri i Jashtëm grek.
“Kam një optimizëm të përmbajtur se në Korçë do t’i finalizojmë përpjekjet tona. Besoj se ka vullnet pozitiv nga te dy palët” është shprehur Kotzias për gazetarët në Athinë, pas takimit me komisionerin për zgjerimin e BE-së, Johanes Hahn.
Kotzias shtoi: “E informova komisionerin Hahn per takimin e Kretës me ministrin Bushati. Me Hahn ramë dakord që Shqipëria duhet të përmbushë të gjitha kriteret për hapjen e negociatave”. /tesheshi.com/
