Ambasadorja e BE-së në Tiranë, Romana Vlahutin është sulmuar sërish nga opozita, kësaj here në lidhje me qëndrimin e Zyrës që ajo kryeson karshi një prej detajeve të çështjes “Xhafaj”.
Përfaqsia e Brukselit ishte ajo e cila mbrojti ministrin e Rendit nga akuzat se ka falsifikuar një nën në Kodin e Procedures Penale, me qëllim, sipas opozitës, qa të mbrojë vëllanë e tij nga esktradimi.
Por Zyra që udhëheq znj. Vlahutin e hodhi poshtë këtë pretendim. Dhe sot ka ardhur përgjigja nga opozita, me gojën e deputetit Edi Paloka.
“Ka pasur dhe reagime për mua të nivelit skandaloz të ndonjë ambasadoreje, por ne kemi zgjedhur të mos merremi me disa individë që vërtet mbajnë tituj si përfaqësues të atij apo këtij vendi, apo si përfaqësues të BE, por që për ne praktikisht e kanë diskredituar veten me qëndrimet e tyre. Ne i mbajmë lidhjet direkte me institucionet dhe janë institucionet ndërkombëtare, qoftë ato që lidhen me integrimin e Shqipërisë, qoftë me qeveritë apo kancelaritë europiane, që i kanë bërë të qartë pozicionet e tyre”, tha Paloka në Ora News.
Siç mund të dallohet, opozita pretendon se ekziston një hendek mes qendrave diplomatike dhe përfaqsuesve të tyre në Tiranë. /tesheshi.com/
