Katër shtete i janë bashkuar Britanisë së Madhe kundër Rusisë, duke dalë me një deklaratë të përbashkët e dënuar sulmin kimik ndaj një ish-spiuni rus dhe vajzës së tij.
“Ne, krerët e Francës, Gjermanisë, SHBA-ve dhe Mbretërisë së Bashkuar, shprehim neverinë për sulmin e ndërmarrë ndaj Sergei e Yulia Skripal në Salisbury të Britanisë më 4 mars.
Përdorimi i këtij agjenti nervor ushtarak i prodhimit rus, përbën përdorimin për herë të parë të një agjenti kimik në Europë që prej Luftës së Dytë Botërore. Ky është një sulm ndaj sovranitetit të Britanisë së Madhe dhe përdorimi i një agjenti të tillë nga një shtet përbën një shkelje të qartë të Konventës së Armëve Kimike, si dhe shkelje të ligjit ndërkombëtar. Ky veprim kërcënon sigurinë për të gjithë ne”, thuhet ndër të tjera në deklaratë.
Rusia i ka hedhur poshtë akuzat e ardhura nga Londra, por qëndrimi i katër shteteve e thellon më tej krizën.
Britania ndodhet në një pozitë të vështirë, gati e vetmuar pas daljes nga BE – akti Brex-it – përballë Moskës. Por dalja krah e tre shteteve të fuqishme, është shenjë e një sinjali riunifikimi përballë kërcënimit rus. /tesheshi.com/
