Presidenti Meta e ka bërë të qartë më së fundi se pse nuk e dekreton gjeneral Sandër Lleshin si ministër Rendi. Shkak është statusi i tij ushtarak.
“Emërimi i Sandër Lleshajt në postin e ministrit të Brendshëm paraqet një problematikë themelore kushtetuese. Kjo sepse ushtarakët e shërbimit aktiv nuk mund të zgjidhen ose të emërohen në detyra të tjera shtetërore dhe as të marrin pjesë në parti apo veprimtari politike, ndërkohë që një ushtarak i shërbimit aktiv nuk mund të kandidojë dhe as të zgjidhet ministër apo deputet pa hequr dorë më parë nga detyra.”, thuhet në një deklaratë të fundit nga Presidenca.
Ky është thelbi i refuzimit të kreut të shtetit për ta dekretuar të përzgjedhurin e Ramës si pasardhës të Xhafajt në krye të Rendit.
Ndërkohë, nga Presidenca janë bërë publike një set pyetjesh që i janë dërguar ministres së Mbrojtjes Olta Xhaçka për dijeni kryeministrit Edi Rama dhe kryetarit të parlamentit, Gramoz Ruçi, në atë që konsiderohet nevoja për informacion shterues në lidhje më pozitën e ushtarakut Sandër Lleshi. /tesheshi.com/
