Presidenti francez Emmanuel Macron është ndër rë parët lider perëndimor këto ditë që është shprehur në lidhje me atë që gjithnjë e më shumë po përfolet, njohjen nga Trump të Jerusalemit si kryeqytet izraelit.
BBC citon Macron të jetë shprehur i “i shqetësuar” nëse Presidenti Trump do ta merrte këtë vendim në mënyrë të njëanshme.
Sipas Presidentit francez, çdo vendim mbi statusin e Jerusalemit duhet të jetë “brenda kornizës së negociatave midis izraelitëve dhe palestinezëve”.
Ndërkohë, bota arabe po e kundërshton fort këtë që mund të ndodhë, e një vend si Turqia e quajti “katastrofike”.
Nga ana tjetër, deklarimet nga Shtëpia e Bardhë janë të paqarta nëse kjo do të ndodhë ose jo, siç është paralajmëruar. /tesheshi.com/
