Ramush Haradinaj nuk lirohet, ashtu siç ishte thënë nga avokati i tij.
Gjykata e Apelit në Francë mori vendim që ai të mbetet në paraburgim deri sa Serbia të bëjë kërkesë zyrtare për ekstradim.
Pas këtij zhvillimi, duket se gjërat janë më serioze. Kjo është vënë dhe në deklarimet e krerëve të Beogradit të cilët duket se janë investuar fort në këtë ndalim të kreut të AAK-së dhe gjithashtu janë pregatitur me kohë për këtë situatë.
Në fillim u duk se ndalimi që iu bë Haradnajt do ishte një incident kalimtar, ngashëm me rastin e Sllovenisë ku u ndalua po me të njëjtin motiv.
Tashmë janë bërë më shumë se 24 orë qëkur autoritetet franceze e ndaluan atë në aeroportin e Bazelit. Zhvillimi paralal më i rëndësishëm gjatë këtyre orëve, ka qenë refuzimi që i është bërë presidentit serb, Nikoliç për të vizituar të premten Kosovën, nga ana e Prishtinës zyrtare. /tesheshi.com/
