Një gurthemeli për një ndërtesë ekumenike të quajtur “Shtëpia e Një” u vendos me ceremoni në Berlin të enjten, e cila do të strehojë një kishë, një xhami dhe një sinagogë nën të njëjtën çati.
“Shtëpia e Një” përmban një detyrë kërkuese teologjike: të marrësh perspektiva të ndryshme shpirtërore pa rezerva. “Eshtë një vend i hapjes dhe tolerancës,” tha Presidenti i Bundestagut Ëolfgang Schaeuble gjatë vendosjes së gurit të themelit në Berlinin qendror.
Projekti “Shtëpia e Një” u krijua me iniciativën e besimtarëve të tre besimeve, të krishterë, hebre dhe muslimanë.
Një nga iniciatorët, prifti protestant Gregor Hohberg, thekson rëndësinë e simbolikës së ndërtimit të këtij institucioni unik pikërisht në këtë vend historikisht të rëndësishëm në qendër të Berlinit ku kisha e St. Petra, e ndërtuar në shekullin e 13-të dhe e cila u shkatërrua gjatë RDGJ-së pas dëmtimeve të mëdha gjatë betejave për Berlinin në Luftën e Dytë Botërore.
“Në vendin më të vjetër në Berlin, ku qëndronte kisha e tij e parë, ne duam të shohim së bashku të ardhmen.
Bazuar në kishën e vjetër ne po ndërtojmë një ndërtesë të re, ‘Shtëpia e Një’. Do të jetë një shtëpi lutjeje dhe mësimi e banuar nga tre besime: një sinagogë, një kishë dhe një xhami, të gjitha nën të njëjtën çati”, tha Hohberg. /tesheshi.com/
