Manifestimi i rivarrimit të Heroit Kombëtar Isa Boletini është i organizuar dhe mbahet nën përkujdesjen e qeverisë së Kosovës. Këshilli Organizativ për organizimin e ceremonisë së rivarrimit të Heroit Kombëtar Isa Boletini bëri të ditur sot se manifestimi dhe aktivitet 3 ditore fillojnë në 8 qershor 2015, sipas kësaj axhende:
E hënë, 8 qershor – Prizren:
Ora – 10:00 – Fillimi i ceremonisë në Kompleksin e Lidhjes Shqiptare të Prizrenit
Ora 11:15 – Fjalimi i Kryetarit të Komunës
Ora 13: 00 – Përcjellja e arkivolit për Deçan
E hënë, 8 qershor – Deçan:
Ora 14:45 – Arritja e arkivoli të Isa Boletinit
Ora 15:00 – Isniq – Aktiviteti zhvillohet në sheshin Isa Boletini
-Fjalë rasti nga përfaqësuesi i fshatit Isniq
-Fjalë rasti nga Kryetari i Komunës së Deçanit Rasim Selmanaj
-Një monolog i shkurtër artistik për Isa Boletinin
-Ora 15:00 deri 20:00 – Homazhe
Ora 20:00 – Në shtëpinë e kulturës vendoset arkivoli i Isa Boletinit.
Ndërsa,në 5 qershor njofohej se arritën në Mitrovicë eshtrat e heroit kombëtar Isa Boletini dhe bashkëluftëtarëve të tij. Bëhej e ditur se, në kazermën e FSK-së në Bair të Mitrovicës kanë arritur pas mesditës eshtrat e heroit Isa Boletini. Në ceremoninë e rastit brenda kazermës ishin të pranishëm vetëm familjarë të ngushtë të heroit, nënkryetari i Komunës, Safet Kamberi, drejtori rajonal i Policisë së Kosovës, Nehat Thaçi dhe pjesëtarët e FSK-së të kësaj kazerme.
Me të arritur në kazermë arkivolet me eshtrat e heroit Isa Boletini dhe bashkëluftëtarëve të tij, të pranishmit fillimisht bënin homazhe me një minutë heshtje dhe pastaj familjarët dhe përfaqësuesit e FSK-së nënshkruan procesverbalin e pranim-dorëzimit të këtyre eshtrave.
Në këtë ceremoni nuk pati fjalime, por nënkryetari Kamberi tha se, ishte një pamje e jashtëzakonshme që kishin krijuar Garda ushtarake e FSK-së, dhe emocione të papërshkrueshme të pjesëmarrësve.
Eshtrat e Heroit Kombëtar Isa Boletini dhe bashkëluftëtarëve të tij janë nisur paraditen e 5 qershorit nga lagja Boletini që ndodhet që disa vite në fshatin Veriq të Komunës së Istogut.
Me rastin e nisjes së eshtrave të heroit për në kazermën e FSK-së në Mitrovicë, është mbajtur një ceremoni rasti, ku kanë marrë pjesë edhe kryetari i Komunës së Istogut Haki Rugova dhe kryetari i Komunës së Mitrovicës Agim Bahtiri, si dhe qytetarë.
Familjarët u shprehen të gëzuar që më në fund po realizohet rivarrimi i heroit me ceremoni shtetërore dhe që Isa do të pushojë në vendlindjen e tij, ku tash e një kohë të gjatë e ka pasur varrin e hapur.
Aktivitetet në lidhje me rivarrimin e eshtrave të Isa Boletinit kanë filluar dhe do të vazhdojnë deri me 10 qershor. Një nga aktivitetet finale do të mbahet me datën 9 qershor në ora 15:00, ku do të bëhet pritja e eshtrave të Isa Boletinit nga Këshilli Organizativ i Mitrovicës dhe do të përcillen nga kalorësit gjatë tërë lëvizjes në qytet. Ndërsa në 10 qershor kur edhe do të mbahet ceremonia e fundit, që nga mëngjesi do të bëhen homazhe para arkivolit të Isës, për të pasuar me ceremoninë përmbyllëse në stadiumin dhe qytetet dhe prej aty në fshatin Boletin, ku do të bëhet ceremonia e varrimit.
