Mund të konsiderohet si cenim i rendit laik ai i paraqitjes së një prifti si dëshmitar në gjygjin ndaj Mark Frrokut, ish-deputet i mazhorancës në parlament dhe njëherësh ish-kryetar i një partisë kristian-demokrate. Dom Gjovalin Suka, ish-administrator i Famullisë “Shën Shtjefni” në Shkodër, deklaroi në gjyq se Mark Frroku dhe familjarët e tij kishin bërë betimin tek Kapela e Varrezave të Majit se nuk kishin dorë në vrasjen e Aleksandër Kurtit.
Kleriku në fjalë sqaroi se ky lloj betimi vlen për të shuar konfliktet mes familjeve dhe se një njeri që bën “be”-në, sipas Kanunit është i pastër për atë që akuzohet.
Sakaq, ky përbën një precedent të cenimit të laizicmit në gjykatat shqiptare, pasi ligjet e shtetit dhe padyshim ato të Kodit dhe Procedurës Penale, nuk mund të kenë reference rregullash fetare.
Edhe nëse nuk merret në konsideratë dëshmia e priftit, po në emër të laicizmit të shtetit, mbetet i çuditshëm fakti që ai është lënë gjithsesitë dëshmojë. /tesheshi.com/
