Objektivi i autorëve të atentatit të 22 marsit në Bruksel ishte të godisnin edhe një herë Francën, pas sulmeve të 13 nëntorit në Paris. Kjo është ajo që konfirmon edhe prokuroria federale belge, duke konfirmuar se Mohamed Abrini është burri me kapele i filmuar nga kamerat në aeroportin e Brukselit përpara atentatit.
Pas arrestimit të Salah, celula ka ndërruar objektivin e saj. Ka qeneë pikërisht arrestimi i të kërkuarit nga policia, Salah Abdeslam, ajo që ka ndryshuar gjithë planin e terroristëve. Abrini “i bindur se do të bënte një progres të madh me planin e tij”, bindi anëtarët e tjerë të celulës për të vepruar më shpejt dhe në shtëpinë e tyre: në vend që të godisnin Francën, u zgjodh si objektiv Brukseli. Sipas të dhënave, celula e Brukselit nuk ishte e ndarë në dy kampe veprimi në bazë të një plani preciz, por në bazë të një komande, e cila e gjetur ngushtë, vendosu të vetë-eliminohet në Bruksel.
Abrini, qytetari belg me origjinë nga Maroku, 31-vjeç, i arrestuar ditën e enjte ka rrëfyer se ka qenë ai “burri me kapele” i filmuar nga kamerat e mbikqyrjes në aeroportin e Brukselit. Një ekspert, më saktë analisti Pieter Van Ostayen, shprehet se kjo hipotezë është pak e besueshme. /tesheshi.com/
