Kampionët skocezë Celtic fituan Kupën Skoceze nga një përballje që përfundoi me penallti në Hampden Park në Glasgow, ku trimfoi ndaj Heart of Midlothian (7-6). Me këtë trofe, Celtic bëri kështu historinë e futbollit skocez, pasi fitoi të tre trofetë e brendshëm për të katërtin vit radhazi – Premierën Skoceze, Kupën dhe Kupën e Ligës.
Por ky lajm nuk do ia vlente në kuadër të interest të publikut shqiptar sikur Celtic, një ekip që mishëron kauzën katolike në Skoci, të mos ishte futur si detaj politik, por më së shumti anekdodik në opinion, nga presidenti Meta.
Ç’prej gati dy vitesh, që kur nisi luftën e ashpër me Ramën, e ku për shkak të saj vendosi t’i imponohej publikut me tabiate të panjohura më parë prej tij, që në sjellje e deri në gjuhë, tifozeria e shpallur ndaj Celtic ishte njëra prej tyre.
Kujtojmë se opinioni shqiptar, të vetmen ndjesi ndaj Celtic ka atë që në këtë ekip, jo pa emër sigurisht, pas viteve ’90 luajti Rudi Vata. Kaq.
Ndaj dhe bën përshtypje që nuk ka asnjë reagim prej “fansi të çmendur” të Metës ndaj arritjes së madhe të ekipit të tij të zemrës, që dhe vetë klubi është ndjerë i ngazëllyer, besohet dhe i habitur, që ka për tifoz një president nga Ballkani, për më tepër me origjinë bektashiane. /tesheshi.com/
