Jose Mourinho u kthye përsëri në “Stamford Bridge”, aty ku ka patur ditët e tij më të lavdishme, por kthimi rezultoi një ferr i vërtetë për të.
Çelsi e shpartalloi 4-0 Mançester Junajtedin. Mbase Mourinho kishte menduar të përdorte të njëjtën taktikë si ndaj Liverpulit, që i dha rezultat, veçse ka shkuar krejt ndryshe për “djajtë e kuq”.
Planet janë prishur që në minutën e parë, kur Pedro i ka kaluar vendasit në epërsi. Cahill ka dyfishuar shifrat në minutën e 21-të.
Pjesa e dytë ka vijuar njësoj, me dy gola të tjerë për Çelsin, të shënuar nga Hazard e Kante.
Kjo ishte humbja e tretë për Mançesterin në nëntë javë kampionat.
Premier Ligën e kryesojnë tre ekipe me nga 20 pikë, Mançester Siti, Arsenali e Liverpuli. Çelsi e Totenhemi janë në vend të katërt e të pestë me nga 19 pikë. /tesheshi.com/
