Duke folur në parlament për dhënien e rekomandimit për çeljen e negociatave, kryeminstri Rama vlerësoi reformën në drejtësi si një prej meritave.
Dhe, duke shfrytëzuar nisjen e procesit të vettingut, zemra e reformës në fjalë, Rama tha se jo vetëm njerëzit e drejtësisë, por dhe politikanët duhet të përgjigjen një ditë.
“Nuk do të mjaftojë që këta gjykatës e prokurorë të largohen, por do duhet të përgjigjen, ashtu sikundër do duhet të përgjigjen politikanët, zyrtarët e lartë e pa diskutim të gjithë shkelësit e tjerë të ligjit përballë një drejtësie të çliruar nga të korruptuarit dhe të zgjidhur nga zinxhirët e ndryshkur që po këputen të kapjes për fyti të drejtësisë prej politikës”, deklaroi kreu i mazhorancës. /tesheshi.com/
