Pasi Komisioni Europian rekomandoi çeljen e negociatave me Shqipërinë, kryeministri Rama ragoi duke thënë se tashmë vendimi final është në dorë të opozitës.
Në një konferencë për shtyp së bashku me ambasadorin Soreca, Rama shpjegoi dhe qëndrimin gjerman karshi krizës shqiptare
“Atmosfera është shumë më pozitive se imagjinata përpara zgjedhjeve. Por në fund të ditës duhet të kuptojmë që shikoni deklaratat e ndryshme nga individë të ndryshëm në partinë më të madhe të Gjermanisë. Nuk janë të ndryshme në aspektin e dëshirës për të ndihmuar Shqipërisë, por në aspektin e këndvështrimeve, kështu që është një arsye për të kuptuar që patjetër do të ketë nuanca të ndryshme kur të bëhet diskutimi në KiE. Me ndihmën e opozitës rrugore mund t’ia dalim. Nëse nuk do kisha dyshim si po të precipitohej lëvizja rrugore e opozitës, do të thoja se Shqipërisë do t’i hapeshin 100% negociatat. Nëse opozita do t’i jepte një shans Shqipërisë. I vetmi element i panjohur është opozita e Shqipërisë”, tha Rama.
Nga ana tjetër, ambasadori Soreca shprehur bindjen se Parlamenti i ri Europian do vendos pro Shqipërisë.
“PE në të shkuarën ka shprehur një mbështetje të forta ndaj Shqipërisë, dhe kompozimi aktual i PE nuk shkon në drejtim të kundër. PE do vazhdojë të japë mbështetjen e saj”, tha njeriu i Brukselit në Tiranë. /tesheshi.com/
