Një lule shumë e rrallë ka arritur të çelë më në fund pas 10 vitesh në Australi. Quhet “Lulja kufomë’. Nuk bëhet fjalë për ndonjë film fantastiko-shkencor, por për një bimë të vërtetë.
Lulja është 2 metra e gjatë dhe emeton një erë shumë të keqe, e cila është cilësuar si ‘aromë kërmash’. Lulja ka arritur të çelë he të hapë petalet e saj 10 vite pasi është mbjellë dhe pasi ka nisur të rritet në mënyrë graduale dhe shumë të ngadaltë.
Emri i vërtetë i bimës është Amorphophallus Titanium. Ajo është rritur n jug të Australisë, në Mount Lofty Botanic Garden për rreth një dekadë. Matt Coulter është shprehur se aroma e bimës që në fillim të rritjes së saj ishte me të vërtetë shumë e rëndë dhe aspak e durueshme.
“Kur hapa derën këtë mëngjes, gatoi sa s’më ra të fikët. Ishte një erë shumë e fortë. Megjithatë është një bimë shumë e bukur. Mendoja se s’kishte për të çelur ndonjëherë”,- rrëfen Coulter.
Lulja çel zakonisht në ishullin indonezian të Sumatrës dhe i duhet shumë ngrohtësi e lagështirë për të mbijetuar. Bima e çelur mendohet se do të jetojë vetëm 48 orë dhe më pas do të thahet./tesheshi.com/
