Qytetarët çekë po mbledhin saktësisht 1,968 korona (rreth 185 euro) për Ukrainën për të ndihmuar banorët të mbrohen kundër sulmeve ruse, dhe këtë shumë e zgjodhën në kujtim të pushtimit sovjetik të Çekosllovakisë në vitin 1968, njoftoi të dielën ambasada ukrainase, raporton Reuters.
Pushtimi rus i Ukrainës, i cili filloi më 24 shkurt dhe deri më tani ka marrë mijëra jetë, detyroi miliona ukrainas të iknin dhe shkaktoi dëme të mëdha në vlerë prej miliarda dollarësh. Javën e ardhshme sulmi hyn në muajin e shtatë.
Çekët po përdorin një kod të veçantë pagese për të dhuruar 1968 korona në një llogari ekzistuese për mbledhjen e fondeve të hapur nga Ambasada e Ukrainës në Republikën Çeke.
“Edhe gjatë fundjavës mbërrijnë në llogarinë tonë dhjetëra pagesa me vlerë 1968 korona. Faleminderit shumë, miqtë tanë çekë!” njoftoi ambasada në Twitter.
Ndryshimet mbytëse demokratike
Më 1 gusht 1968, trupat sovjetike dhe aleatët kaluan kufijtë e Çekosllovakisë, në atë kohë anëtare e Bllokut Lindor, në përpjekje për të shtypur lëvizjen për reforma demokratike që kishte filluar në fillim të atij viti dhe që njihej si Pranvera e Pragës.
Trupat sovjetike, polake, gjermanolindore, bullgare dhe hungareze kaluan kufirin Çekosllovakisë atë ditë. Ushtarët vranë dhjetëra civilë dhe pushtimi që pasoi detyroi dhjetëra mijëra të mërgojnë. /tesheshi.com/
