Vendet e Marrëveshjes së Tregtisë së Evropës Qendrore (CEFTA) kanë miratuar një listë të mallrave thelbësorë që duhet t’u jepet përparësi kur bëhet fjalë për transport ndërkufitar për të siguruar furnizim adekuat në kontekstin e krizës Covid-19.
Këto janë produkte ushqimore dhe pajisje mjekësore, të cilat në të ardhmen do të kenë përparësinë e kalimit në “korridoret e gjelbërta” të vendosura me qëllimin e transportit më efikas dhe kalimit më të shpejtë të kufijve për të gjitha mallrat.
“Korridore jeshile” nënkupton procedurat e shpejtuara ligjore dhe shëndetësore në vendkalime të caktuara kufitare, të cilat do të jenë të hapura për transportin e mallrave 24 orë shtatë ditë në javë.
Njoftimi për mbërritjen e mallrave në vendkalimet kufitare do të bëhet përmes sistemit elektronik të shkëmbimit të të dhënave midis administratave doganore brenda CEFTA.
Sekretariati i CEFTA-s në Bruksel thotë se koncepti i “korridoreve të gjelbra” do të fillojë të zbatohet nga 13 prilli.
Përfundimi i parakohshëm i masave të izolimit të paraqitura për të penguar përhapjen e koronavirusit mund të çojë në një “përsëritje vdekjeprurëse” të pandemisë, paralajmëroi shefi i Organizatës Botërore të Shëndetit (OBSH) Tedros Adhanom Ghebreyesus.
“Ashtu si e gjithë bota, OBSH do të donte që të hiqen kufizimet. Në të njëjtën kohë, heqja e kufizimeve shumë herët mund të çojë në një shpërthim vdekjeprurës të pandemisë,” tha ai.
Ai gjithashtu tha se kthimi i një pandemie mund të jetë po aq vdekjeprurëse sa përhapja e saj fillestare nëse zvogëlimi i masave nuk do të zbatohej siç duhet. /tesheshi.com/
