Policia Rrugore e Tiranës ka zbardhur dinamikën e aksidentit të rëndë të ndodhur mbrëmjen e së mërkurës në aksin Vorë Fushë-Krujë, ku humbën jetën katër të rinj.
Referuar edhe kamerave të sigurisë përgjatë zonës ka rezultuar se mjeti tip Benz ka parakaluar fillimisht dy kamionë në rrugë dhe më pas është përplasur me betonierën, e cila ishte e parkuar në rrugë, por sipas policisë pa ndezur bllokazhin.
Drejtuesi 24-vjeçar i betonieres ka deklaruar se kishte ndaluar pasi i ishte mbaruar nafta dhe kishte shkuar tek një karburant aty pranë për të marrë naftë dhe se kishte harruar të ndizte bllokazhin.
Sipas zbërthimit të dinamikës së ngjarjes, hetuesit kanë ngritur dyshimet se shkak i aksidentit fatal kanë qenë dy faktorë, shpejtësia tej normave të lejuara nga mjeti tip Benz, deri në 200 km/orë, si dhe mungesa e fushëpamjes, kur mjeti Benz ka parakaluar dy kamionët e tjerë dhe nuk ka mundur të shohë betonieren e ndaluar.
