Presidenti i sapozgjedhur i SHBA-së, Donald Trump, i cili u betua të hënën, i befasoi të pranishmit në inaugurimin e tij duke njoftuar se ka në plan të ndryshojë emrin e Gjirit të Meksikës në “Gjiri i Amerikës”.
Ky propozim i përfolur prej disa kohësh, u bë temë kryesore pas një videoje të ish-sekretares amerikane të Shtetit, Hillary Clinton, njëherësh ish-rivalja e parë ndaj republikanit Trump në 2016-ën ndaj të cilit humbi, e cila reagoi ndaj këtij njoftimi me buzëqeshje. Reagimi i saj u bë viral në rrjetet sociale.
Trump deklaroi: “Ne së shpejti do të ndryshojmë emrin e Gjirit të Meksikës në Gjirin e Amerikës”.
Në këtë moment, Hillary Clinton filloi të qeshte. Bashkëshorti i saj, ish-presidenti Bill Clinton, u kthye nga ajo dhe buzëqeshi lehtë. Nga ana tjetër, Joe Biden, Kamala Harris dhe Doug Emhoff, të cilët ishin ulur përballë saj, nuk shfaqën asnjë reagim.
Hillary Clinton's reaction to Trump’s plan to rename the Gulf of Mexico as the Gulf of America. pic.twitter.com/ygFI5hzNDB
— Clash Report (@clashreport) January 20, 2025
Trump deklaroi në fjalimin e tij inaugurues se ndryshimi i emrit të Gjirit të Meksikës do të ishte “më i përshtatshëm”. “Ne do të ndryshojmë emrin e Gjirit të Meksikës në Gjirin e Amerikës, i cili tingëllon shumë bukur dhe mbulon një zonë të madhe. Gjiri i Amerikës, sa emër i bukur,” tha Trump, duke shtuar se mendonte se ishte “më e përshtatshme”.
Gjiri i Meksikës ka mbajtur emrin e tij për shekuj. Megjithatë, ndryshimi i emrave të vendeve të tilla natyrore kërkon sfida të shumta logjistike, duke përfshirë përditësimet e hartave dhe marrëveshjet ndërkombëtare. Aktualisht, Trump ka nënshkruar një urdhër ekzekutiv për të ndryshuar emrin, por nuk ka specifikuar një afat kohor se kur mund të realizohet kjo.
Megjithëse nuk ka asnjë marrëveshje apo protokoll formal ndërkombëtar për emërtimin e zonave detare, as ndonjë institucion ndërkombëtar që ka fjalën e fundit për emrat e deteve, Byroja Ndërkombëtare Hidrografike (IHB) përpiqet të standardizojë emrat dhe të zgjidhë mosmarrëveshjet.
Presidentja meksikane Claudia Sheinbaum në fillim të këtij muaji iu përgjigj sugjerimit të Trump për të ndryshuar emrin e Gjirit të Meksikës, duke sugjeruar se mund të quhet “Amerika Meksikane”. /tesheshi.com/
