Edi Rama erdhi në pushtet me kredon e të “bërit shtet”, njëherësh duke ndërhyrë kirurgjikalisht në shërimin e moralit të shprishur shoqëror shqiptar, si ashte këto të Rilindjes së pretenduar.
Ai sot po qeverisë në mandatin e katërt, si asush para tij në post-komunizëm, me rekorde politike të panjohura më herët. Por veç një shndërrimi infrastrukturor të Shqipërisë, pyetja që mbetet është kjo: u bë shteti? U shërua moralisht shoqëria shqiptare?
Ndoshta do duheshin dekada për këto procese jo aq të lehta, por çështja është se nuk ka asnjë shenjë edhe pas 12 vitesh qverisjeje nga Rama, të cilat të mund të tregojnë se shteti ka nisur të bëhet, edhe shoqëria shqiptare ka nisur të shërohet. Dhe mu pse këtë të vërtetë të trishtë e di fare mirë dhe vetë Rama, ai shfaqet gjithnjë e më nervoz.
Shpalosja më e qartë e këtij nervoziteti ishte reagimi i ashpër ndaj një gruaje, një Anetë ende në jetë e Shqipërisë, e cila donte të fliste me të për kushedi se ç’hall dje në Vlorë. Aty, Rama tradhëtoi dhe veten, atë lloj fryme që së paku me fjalë tenton të promovojë te kasta drejtuese socialiste, në të gjithë nivelet, duke i këshilluar që të jenë së paku dëgjues të njerëzve të thjeshtë.
Dje ai shfaqi modelin më të keq se si nuk duhet jo thjesht komunikuar me njerëzit, por dhe se si nuk duhet qeverisur. Stili qeverisës përfshin shumëçka, edhe etikën në komunikim me njerëzit, përcaktuese për të mbetur në histori, siç Rama e ka me fort dëshirë të mbetet. Por ai tani është më shumë se nervoz gjersa nuk po e mbajnë nervat, pasi sheh që shteti i tij është pa aq i marrëzishëm në paaftësinë për të qenë shtet dinjitoz. Ky aksoni i nisur nga Vlorë e vijuar gjer në Theth për lirimin e hapësirave të zëna nga privati në kurriz të publikut, e kthen sërish aty ku e nisi, në 2013-ën.
Ai e sheh dhe e dallon që pushtetet lokale sot janë tufa njerzish mes të paaftëve dhe zuzarëve të lekut e jo punëtorë të palodhur komunaleje, siç duhet të jenë në thelbin e vet, në shërbim të komuniteteve. Dhe kjo ja heq trurin, si dje kur ia morri erzin një gruaje që donte të takonte, me gjasë votuese e tij, pasi po të qe e kundërta thjesht do e shante. Me atë sjelljë, padyshim që i morri erzin dhe vetes. /tesheshi.com/
