Përpara se Lulzim Basha të marrë pjesë në takimin e krerëve të Partive Popullore Europiane që mbahet në Maltë, një drejtues shumë i lartë i CDU-së së Angela Merkelit i ka dërguar një letër ultimatum kreut të PD-së.
Zëvendëskryetari i grupit të CDU-CSU në Parlamentin gjerman, Franz Josef Jung, i cili është njëkohësisht edhe shefi i politikës së jashtme në CDU, si dhe ministër i Mbrojtjes së Gjermanisë, në një letër paralajmëron kreun e PD-së se nëse nuk ndërpret bojkotin, marrëdhëniet e opozitës shqiptare me partinë “simotër” në Gjermani
“Pasi grupi im parlamentar u angazhua fuqishëm për Reformën në Drejtësi në vendin tuaj dhe më pas kjo u votua me votat e grupit tuaj parlamentar më 21 korrik, ne tani jemi shumë të pakënaqur që kjo reformë e rëndësishme, e dëshiruar nga 90 për qind e shqiptarëve, nuk po vihet në zbatim, sepse Partia Demokratike po bojkoton Parlamentin. Në këtë mesazh, zyrtari gjerman i jep të drejtë Bashës kur është fjala për rrezikun e një manipulimi të mundshëm, duke thënë se CDU dhe CSU janë të shqetësuara që në zgjedhjet e 18 qershorit mund të ketë falsifikim të madh si rezultat i blerjes së votave dhe mjeteve të tjera, por bojkoti cilësohet si rrugë të gabuar, përfshirë këtu edhe kërkesën për qeveri teknike.
Ne mendojmë se është rruga e gabuar, që ky problem mund të zgjidhet përmes bojkotit parlamentar dhe deklarimin e mosregjistrimit për zgjedhjet e 18 qershorit, nëse qeveria e zgjedhur shqiptare nuk jep menjëherë dorëheqjen dhe të zëvendësohet me një qeveri teknike nga të gjitha grupet parlamentare. Vonesa e Reformës në Drejtësi dhe bojkoti i zgjedhjeve nga opozita do ta kthenin Shqipërinë shumë mbrapa në rrugën e saj drejt Bashkimit Europian dhe do të dëmtonte shumë marrëdhëniet mes PD-së dhe CDU-CSU. Kjo nuk është në interesin tonë”.
Zyrtari i lartë gjerman i propozon gjithsesi Bashës mënyra të tjera për të ulur rrezikun e zgjedhjeve jo të drejta.
“Për t’i dhënë fund menjëherë bojkotit parlamentar, për të marrë pjesë në mënyrë aktive në zbatimin e Reformës në Drejtësi dhe për t’u regjistruar për zgjedhjet kombëtare pa vendosur parakushtet e përmendura më sipër”, thekson Jung.
Partia e Merkelit e fton në negociata politike Bashën dhe bën të ditur se është e gatshme ta ndihmojnë për të komunikuar me Edi Ramën, i cili është një interlekutor i rëndësishëm i Angela Merkelit.
“E rëndësishme është të gjendet një rrugë e pranueshme nga të gjithë për të dalë nga kjo situatë e ngatërruar”, shkruan Jung.
Kjo ëshët goditja më e rëndë që i ka ardhur Bashës deri më sot nga faktori ndërkomvëtar, duke qenë se vjen nga një parti e fuqishme aleate; ndërkohë që Merkel, një e djathtë kokë e këmbë, është investuesja e parë e Reformës në Drejtësi. Dhe në fakt, ajop çka është vënë re deri më tani me protestën e PD-së, është mospasja e asnjë mbështetjeje edhe nga PPE-ja, Partitë Popullore Europiane, ku PD është e anëtarësuar. /tesheshi.com/
