Kryetari i Aleancës Kosova e Re, Behgjet Pacolli, nuk ka treguar asnjë interes në lidhje me deklaratat e deputetit Korab Sejdiu, i cili është shprehur se nuk do të votojë një qeveri të PAN dhe Kadri Veselin për kryetar të Kuvendit.
Pacolli ka bërë të ditur se pavarësisht votës, Sejdiu, do të mbetet pjesë e AKR-së.
“Korab Sejdiu është shumë i përgjegjshëm, është nënkryetar i AKR-së dhe absolutisht nuk më intereson se si do të votojë. Ai do të jetë pjesë e AKR-së dhe do të jetë i përgjegjshëm në sfidat e ardhshme si deputet i Kuvendit të Kosovës”, ka deklaruar Pacolli. /tesheshi.com/
