Pas debatit të fundit, se çfarë do të ndodhë në seancën për betimin e Metës, si Presidenti i ri i zgjedhur i vendit ka reaguar ish-ministri i Drejtësisë, Ylli Manjani.
Me anë të një postim në rrjetin social “Facebook”, duke sqaruar pozitën juridike që shoqëron këtë proces, ai shkruan se e vetmja mundësi që Meta, të mos bëhet President, është “vetëm nëse me vullnetin e tij jep dorëheqje! Kuvendi nuk e bllokon dot bërjen e betimit! Është vetëm një akt formal”.
Postimi i Manjanit
Edhe njëherë për çështjen e Presidentit.
——- Lexova disa komente, disa prej të cilave më citonin dhe mua, për çështjen e Presidentit të Zgjedhur. Pa dashur të komentoj mbi komentet dhe mendimet e tyre, theksoj se: 1. Ilir Meta është President i zgjedhur tashmë. Na vjen mirë apo na vjen keq, Ai është President i Republikës. 2. Presidenti i zgjedhur e fillon detyrën pas betimit në Kuvend. Për këtë qëllim, Presidenti aktual i Republikës ka thirrë Kuvendin ne seancë të jashtëzakonshme më datë 24 Korrik 2017. 3. Deputetët e Kuvendit aktual duhet të paraqiten në këtë seancë, në kryerje të detyrës së tyre kushtetuese. 4. Opsioni i mosbërjes së betimit sepse asnje deputet nuk do paraqitet në Kuvend, është i pamundur. Disa deputetë sa për të kryer këtë formalitet do jenë aty, është e sigurtë! 5.Meta mund të mos bëhet President vetëm nëse me vullnetin e tij jep dorëheqje! Kuvendi nuk e bllokon dot bërjen e betimit! Është vetëm një akt formal. Të tjerat janë teori boshe, pa vlerë e pa kuptim! Presidenti që zgjidhet vetëm shkarkohet nuk ndalohet dot të betohet për të filluar detyrën. Kjo është Kushtetuta e Republikës,ligjet dhe Rregullorja e Kuvendit! Me komentet personale të militantëve, që nuk kanë lidhje me Kushtetutë e ligje, nuk kam ndërmend të merrem!/tesheshi.com/
