Lidhja në mes të një nëne dhe një vajze është diçka e veçantë, por kur keni një aktivitet në të cilin ju të dyja gjeni dashuri, kjo e bën përvojën tuaj edhe më të këndshme.
Për një nënë dhe vajzën e saj në Melburn të Australisë, ky aktivitet është thurja e gërshetave afrikane. Shelley Gifford është një “magjistare” e gërshetave afrikane tek flokët.
Asaj gjithmonë i ka pëlqyer të rregullojë gërshetat qysh kur ishte një vajzë e re, megjithëse nuk dinte më shumë se dy lloje të stileve të gërshetave. Gjithë kjo ndryshoi kur ajo filloi të hulumtojë dizajne të gërshetave afrikane në internet.
Çdo mëngjes, Gifford kalon pothuajse 15-20 minuta duke thurur gërsheta afrikane te flokët e vajzës së saj.
Është një kohë të cilën ajo kalon me ëndje me vajzën gjashtë-vjeçare Grace, para se ajo të shkojë në shkollë. Të dyja ato ishin të afërta njëra me tjetrën para se gruaja filloi të rregullonte gërshetat në flokët e Grace, por kjo i ka afruar edhe më tepër ato.
“Është një ndjenjë e bukur që të kalosh këtë kohë të veçantë me të çdo mëngjes, dhe unë mendoj se është një bonus shtesë fakti se asaj i pëlqen kjo vëmendje personale që e bën të ndjehet e veçantë”, thotë Gifford./tesheshi.com/
