Ka ardhur koha për një vendim, ndërsa Turqia ka pritur në dyert e BE-së për thuajse gjashtë dekada, ka deklaruar dje ministri i Jashtëm turk në një vizitë në Romë.
Në konferencën e përbashkët për shtyp me homologun italian, Mevlüt Çavuşoğlu është shprehur se ndonëse procesi është shtyrë prej kohësh, anëtarësimi në BE mbetet një objektiv strategjik i Turqisë.
Siç njofton Anadolu Agency, kryediplomati turk do të nënvizonte në konferencën për shtyp me Angelino Alfano-n: “Unë nuk kisha lindur ende kur nisi procesi [i Turqisë] për në BE. Eshtë një proces [thuajse] 60-vjeçar. Unë nuk jam ende 60 vjeç. Tani është koha për të marrë një vendim.”
Turqia dhe Bashkimi Europian gjenden prej kohësh në mospajtim për shumë gjëra, veçanërisht gjatë viteve të fundit, kur dhe procesi i anëtarësimit gati ka ngecur tërësisht.
Presidenti Erdoğan do të jetë sot në Bruksel, ku do të ketë takime me zyrtarë të lartë të unionit europian.
Turqia ka aplikuar në anëtarësinë në BE në vitin 1987, ndërkohë që bisedimet për pranim nisën në 2005-n. /tesheshi.com/
