Bashkimi Evropian duhet të ndalojë mashtrimin e Turqisë për ndihmën e miliona refugjatëve në territorin e saj, tha të martën Ministri i Jashtëm turk Mevlut Cavusoglu.
Një ditë pasi të dy palët ranë dakord të marrin në konsideratë një marrëveshje 4-vjeçare që synon ndalimin e fluksit të refugjatëve në Evropë, ai tha se Unioni duhet të ndërmarrë “hapa të sinqertë” për të ndihmuar Turqinë të përballojë fluksin e tyre, i cili përfshin gjetja e mënyrave për të siguruar që refugjatët sirianë të kthehen në atdheun e tyre.
“Ne jemi të gatshëm për një studim konstruktiv. Ne presim ndershmërinë nga BE. Epoka e mashtrimit të Turqisë ka mbaruar”, tha Cavusoglu.
Cavusoglu tha se Turqia dhe BE do të punojnë për “riaktivizimin” e marrëveshjes së përmendur, në përputhje me zhvillimet e fundit, përfshirë situatën në Idlib.
Ai shtoi se marrëveshja e vitit 2016 nuk kishte të bënte vetëm me atë që BE t’i jepte fonde Turqisë për të mbajtur refugjatët.
“Marrëveshja përbëhet nga disa segmente; nga udhëtimi pa viza deri në sigurimin e kthimit vullnetar të refugjatëve,” tha ministri turk.
Ai tha se Turqia dhe BE do të përpiqeshin të hartonin një “hartë rrugore” përpara takimit të BE-së më 26 mars. /tesheshi.com/
