Edinson Cavani u ka dhënë fund zërave për një rikthim në Serinë A, por te Interi.
Sulmuesi uruguajan ka deklaruar në një intervistë për një të përditshme franceze se është i vendosur të qëndrojë te Paris Sent-Zhërmeni.
“U kam thënë tashmë tifozëve dhe i kam premtuar vetes se do të qëndroj te PSG-ja deri në fund të kontratës sime. Kjo është e sigurt. E vetmja gjë që di është se do të vazhdoj të jap gjithçka për Paris Sent-Zhërmenin.”
Kontrata e Cavanit përfundon në qershorin e vitit të ardhshëm, por lojtari ka thënë se nuk kishte asnjë shqetësim për atë që do ndodhte më pas.
“Nuk po mendoj tani për një kontratë të re. Jam i qetë, qëndroj apo nuk qëndroj pasi të mbarojë kontrata.”
Interi mbetet ende pa një vijë të qartë sulmuese për sezonin e ri. Mosmbërritja e lojtarëve si Xheko dhe Lukaku, së paku deri më tani, bëri që të flitej për një transferim të Cavanit. /tesheshi.com/
