Ushtria Nepaleze raportoi se 11 ton mbeturina u mblodhën nga majat e Everestit, Nuptse dhe Lhotse në Himalajet këtë vit, dhe se katër kufoma dhe një skelet u zhvarrosën.
Është kryer pastrimi vjetor i disa maleve në Himalaje, përfshirë Everestin, malin më të lartë në botë, raportoi The Himalayan Times.
Ushtria Nepaleze tha në një deklaratë se si rezultat i pastrimit 55-ditor, u mblodhën 11 tonë mbeturina nga majat e Everestit, Nuptse dhe Lhotse dhe u zbuluan katër kufoma dhe një skelet.
Gjithashtu u tha se në pesë vjet u hoqën gjithsej 119 tonë mbeturina, 14 kufoma dhe disa skelete.
Drejtori i departamentit të turizmit të Nepalit, Rakesh Gurung, i tha BBC-së se qeveria planifikon të ndajë një buxhet më të madh për mbledhjen e mbeturinave në të ardhmen. Vlerësohet se në malin Everest ka më shumë se 50 tonë mbeturina dhe më shumë se 200 trupa. /tesheshi.com/
