Prej kohësh nuk ishte parë një El Clasico e këtij niveli. Barcelona pritej të përsëriste veten në fillim të javës ndaj Juventusit, duke bërë atë që do të bënte më herët ndaj PSG-së, në Champions League. Por përmbysja e munguar ndaj torinezëve, zhgënjimi pas atij takimi, do t’i linte vendin mbrëmjen e së dielës një paraqitjeje të mahnitshme në “Santiago Bernabeu”.
Fitorja 2-3 është ajo çka lë pas Luis Enrique, trajneri i katalanasve, që në mbarim të sezonit i jep fund qëndrimit trevjeçar në stol. Një prej gjërave për të cilat ai do të mbahet mend te Barcelona si trajner është pikërisht kjo fitore ndaj Realit.
“Ishte një ndeshje mes dy ekipeve të mrekullueshme që dhanë gjithçka për të fituar, dhe, në të vërtetë, çdo palë mund të kishte qenë fituese,” u shpreh ai pas ndeshjes.
Enrique ka çmuar fort Messi-n, pa të cilin ky trepikësh në Madrid do të kishte qenë i pamundur.
“Ai është lojtari më i mirë në histori, ai është pabesueshmërisht vendimtar çdo herë. Kënaqësi e madhe për të gjithë kartalanasit që ai është një nga ne.” /tesheshi.com/
