Në vitin e tij të dytë te Porto, Iker Casillas është ambientuar aq mirë, sa ashtu si te Reali dikur, është kthyer në elementin kyç të skuadrës.
Porto fitoi 0-4 në transfertën ndaj Arukës, dhe tani mban vendin e parë në Primeira Liga, në pritje të ndeshjes së Benfikës, kundërshtarit të vetëm në luftën për titull.
Me këtë fitore, Casillas regjistroi dhe një rekord të tijin, duke e mbajtur portën të paprekur në 16 takime të kampionatit, diçka që nuk e kishte bërë kurrë më parë.
E të mendosh që tani Casillas është 35 vjeç, drejt fundit të karrierës së tij!
Më herët, ndërsa luante për Realin e Madridit, Casillas nuk do të pësonte gol në 15 ndeshje të La Ligës në tre sezone, të gjithë në dhjetëvjeçarin e parë të shekullit të ri.
Porto nuk humbet në shtëpi në 22 ndeshjet e fundit, si dhe ka sulmin më të mirë të kampionatit.
Paraqitjet e Iker Casillas-it mund ta detyrojnë trajnerin e përfaqësuesen spanjolle ta rithërrasë kampionin e botës dhe të Europës, me gjithë moshën e madhe të tij. /tesheshi.com/
