Përfundimisht, Skënderbeu do mbetet i përjashtuar 10 vjet nga kompeticionet europiane, kjo pasi Gjykata e Arbitrazhit sportiv në Lozanë (CAS), ka lënë në fuqi vendimin e UEFA-s për këtë lloj dënimi, plus 1 mln euro gjobë. Sipas CAS, Skënderbeu nga dëshmitë e dhëna si dhe nga dokumentat e siguruara, rezulton fajtore në fiskimin e disa ndeshjeve.
Pas këtij vendimi reagoi dhe UEFA, duke e përshëndetur e shkruar se CAS i dha të drejtë asaj.
Ky zhvillim negativ për korçarët vjen ndërsa ekipi pati një ngjitje në majat e futbollit shqiptar, duke dominuar për rreth 10 vite.
Por sipas disa zërave kritikë, e gjithë ajo çfarë ndodhi me Skënderbeun për gati një dekadë, ishte përfshirja në trukimin e ndeshjeve me qëllim përfitimin. /tesheshi.com/
