Nga Mensur Krasniqi
Një replikë në distancë mes dy partive maqedonase, VMRO-DPMNE që është në pushtet, si dhe LSDM-së që është në opozitë, ka prodhuar një deklaratë të pazakontë nga ana e partisë së Gruevskit.
“…LSDM mundet që përmes njerëzve të saj të parë të plasojnë ide për kryeministër shqiptar ose për gjuhë shqipe për të gjithë fëmijët qysh në kopsht, por kjo nuk do të ju kalojë”….
Eshtë kjo fraza e vënë në një prej deklarimeve zyrtare të VMRO-së, që tregon se vërtet partia në pushtet e Gruevski e “kanë humbur pusullën”.
Fillimisht ishte LSDM-ja në opozitë që bëri nje deklaratë, ku tha se me shumë gjasa Maqedonia do ta humbë rekomandimin për në BE.
“Nëse Maqedonia e humb rekomandimin për bisedime, le të dëgjoj Gruevski edhe nga më të thirrurit, ai do të jetë fajtor personalisht. Postier dhe filma nuk ndihmojnë më. Materialet nga e vërteta për Maqedoninë treguan se kush po tregton për emrin me grekët, personalisht Sasho Mijalkov, pra kushëriri i parë i Gruevskit. Qytetarët kuptuan edhe për marrëveshjet për amnisti, për gjuhë, flamur, të propozuara nga Gruevski”, u tha në deklaratën e LSDM-së.
“Gruevski tani po tenton që të krijoj tensione ndëretnike dhe ta rrënoj të ardhmen e vendit, vetëm pse frikësohet nga një ministër i Punëve të Brendshme me kompetenca të plota duhet të na takojë neve sipas marrëveshjes”, thuhet më tej në deklaratë.
Ndaj kësaj ka reaguar menjëherë VMRO-DPMNE duke thënë se ata kanë dhënë mund të madh që Republika e Maqedonisë ta fitojë rekomandimin.
“Nuk ka ikje nga zgjedhjet dhe përballje me qytetarët. Kemi dhënë mund dhe njohuri të mëdha që Republika e Maqedonisë ta fitojë rekomandim. Ky ishte suksesi më i madh jo vetëm për ne, por për të gjithë qytetarët dhe për shtetin. E dimë se sa dhemb kur dikush tentoi që t`i prish të gjitha sukseset për dobi të imët politike. VMRO-DPMNE gjithmonë në krye të interesave e ka pasur Republikën e Maqedonisë dhe qytetarët e saj”, u reagua kështu nga VMRO-ja. Dhe në vazhdim, ishte ajo frazë e cila e zbulon qartë Gruevskin dhe klikën e tij në pushtet:
“LSDM mundet që përmes njerëzve të saj të parë të plasojnë ide për kryeministër shqiptar ose për gjuhë shqipe për të gjithë fëmijët qysh në kopsht, por kjo nuk do të ju kalojë. Nuk do t`i kalojnë lehtë kërcënimet. Do të duhet që në muajin prill të përballen me qytetarët dhe përsëri ta dëgjojnë përgjigjen e tyre”, shkruhet në reagimin e VMRO-DPMNE-së. /tesheshi.com/
