Zjarri në Cape Town shkatërroi një pjesë të bibliotekës universitare e cila strehon një koleksion unik të arkivave afrikane, tha drejtori i bibliotekës ndërsa zjarri u përhap në qendër të qytetit të hënën. Zjarri shpërtheu të dielën në rrëzë të Table Mountain dhe u përhap në Universitetin e Cape Town (UCT), duke detyruar qindra studentë të largoheshin.
Departamenti për studime afrikane në ndërtesë nga vitet ’30 dhe salla e leximit u shkatërruan plotësisht, tha shefja e bibliotekës UCT, Ujala Satgoor, në një postim në Facebook të dielën.
“Disa nga koleksionet tona të vlefshme kanë humbur,” shkroi ajo.
Fotografitë që shoqërojnë postimin tregojnë zjarr dhe tym që ngrihen nga kulmi dhe dritaret e ndërtesës, e cila është e mbyllur deri në një njoftim tjetër. Një vlerësim i plotë i dëmit do të bëhet sapo ndërtesa të jetë e sigurt për të hyrë, tha Satgoor.
Mayor Dan Plato noted that one firefighter was being treated for burn wounds in hospital, as efforts to contain the fire continue. Property including private homes, Rhodes Memorial restaurant and historical structures such as the Mostert’s Hill windmill have been damaged. #CTNews pic.twitter.com/O2VLTKP9x5
— City of Cape Town (@CityofCT) April 18, 2021
Tymi i trashë qëndronte mbi kampusin e zbrazur të UCT të hënën. “Ishte me të vërtetë e tmerrshme,” i tha AFP studenti 20-vjeçar i ekonomisë, Kosmas Joannou. Qielli ishte “portokalli, hiri kudo dhe të gjithë bërtisnin. Ishte kaos”. “E gjithë historia e humbur në bibliotekë po më ha,” tha ai.
Qindra studentë që jetojnë më afër zjarrit janë zhvendosur në strehim të përkohshëm.
Zjarrfikësit luftuan ende me flakën të hënën ndërsa erërat e forta e përhapën atë në perëndim, më afër qendrës së qytetit.
“Zjarri nuk është ende nën kontroll,” tha zëdhënësi i zjarrfikësve në Cape Town Jermaine Carelse.
“Era është faktori kryesor,” tha ai.
Një hetim është duke u zhvilluar dhe një i dyshuar është në paraburgim, tha zyrtari i qytetit Alderman JP Smith. Zjarri shkatërroi dhe restorantin Memorial të Cecil Rhodes, shtëpi private dhe ndërtesa historike të tilla si mulli me erë të Kodrës Mostert. /tesheshi.com/
