Është shtyrë për javën tjetër kërkesën e Partisë për Drejtësi, Integrim dhe Unitet për ngritjen e një komisioni hetimor të posaçëm në lidhje me tragjedinë çame.
Kështu vendosi Konferenca e Kryetarëve e mbledhur paraditen e së enjtes, por ku paraprakisht u shfaqën dhe objeksionet përkatëse. Si PS e si LSI u shprehën kundër kërkesës, duke theksuar se ajo është jashtë juridiksionit të tyre dhe se hetimi për gjenocid është penal.
Megjithatë, vendimi përfudimtar do merret javën e ardhshme.
Kohët e fundit javë vënë përafrime të Idrizit me Ramën dhe një largim i të dyve me Metën. Madje shefi i ekzekutivit shqiptar nuk ka ngurruar që ta përmendë çështjen çame në një replikë më Athinën dy muaj më parë, po në të njëjtën kohë që Meta ishte për vizitë zyrtare në kryeqytetin grek, duke shfaqur luajalitet maksimal ndaj politikës zyrtare të fqinjit.
Ndërkohë, Idrizi në drejtim të PDIU-së e ka rritur valencën e gjuhës politike me elementin çam, duke tentuar të krijojë një profil sa më atdhetar të partisë së tij.
Edhe pse për shumë vite ai nuk i dentifikua në politikë si një çam apo si bartës i kauzës çame, pasi fillimet i pati dhe si Drejtor Doganash ardhur nga një miqësi me Nanon, në kohë u zhvendos drejt rrënjëve krahinore duke krijuar një identitet të ri politik. /tesheshi.com/
