Disa orë pasi kryeministri Edi Rama bëri me dije se në bisedimet Tiranë – Athinë është përfshirë dhe cështja çame, më saktë lëvizja e lirë e shtetasve shqiptarë çam në Greqi, apo qasja në cështjen e pronave, kreu i diplomacisë greke e ka mohuar këtë.
“Nuk ekziston çëshja çame dhe sigurisht që nuk përbën pjesë në bisedimet mës dy palëve”, ka deklaruar Kotzias, në një letër sqaruese dërguar parlamentit, pasi interesimit të kreut të departamentit të politikës së jashtme të Nea Demokratia, Jiorgos Kumuntsakos.
“Bisedimet janë fokusuar në çështjet bilaterale, për të cilat ka pasur mosmarrëveshje në 70 vitet e fundit dhe besoj se ka pasur progres substancial drejt gjetjes së zgjdhjeve të qëndrueshme për të mirën e përbashkët të të dy vendeve dhe qytetarëve dhe në përputhje me rregullat dhe vlerat evropiane”.
Por nga ana tjetër, edhe ministri Bushati ka konfirmuar atë që tha Rama.
“Çdo shtetas me origjinë çame do të gëzoj pronat në Greqi”, tha kreu i diplomacisë së Tiranës në komisionin e jashtëm parlamentar. /tesheshi.com/
