Kryeministri britanik David Cameron ka deklaruar sot se nuk do t’i kërkojë falje Donald Trump-it, për shkak të deklaratave të tij se propozimi i Trump-it për ndalimin e hyrjes së myslimanëve në SHBA është “i marrë dhe i gabuar”.
Komenti i Cameron ka pasuar pas deklaratës së Trump, se “nëse arrin të bëhet President i SHBA, do të ndalojë hyrjen e myslimanëve në Amerikë”, transmeton Reuters.
“Nuk do të ndryshoj mendjen time në lidhje më këtë ide. Ideja ka qenë, mbetet dhe do të jetë e gabuar, prandaj edhe qëndrimi im është i qartë”, ka deklaruar Cameron, duke u përgjigjur në pyetjet e gazetarëve, nëse ai duhet kërkuar falje Trump-it.
Megjithatë Cameron ka shprehur respekt ndaj këmbënguljes së Trump për kandidim partiak, kandidim nga i cili kanë hequr dorë konkurrentët Ted Cruz dhe John Kasic.
“Duke njohur natyrën rraskapitëse të këtyre garave në të kaluarën dhe duke ditur se nëpër çfarë duhet kaluar, çdo njeri që arrin sukses nëpër këso gara të jashtëzakonshme, për të udhëhequr partinë e tij në zgjedhje të përgjithshme, meriton respektin tim”, ka thënë Cameron./tesheshi.com/
