Të dielën, 16,500 banorë do të evakuohen nga qendra e Frankfurtit, ka njoftuar administrata e qytetit.
Kjo bëhet për shkak të çaktivizimit të planifikuar të një bombe që u hodh nga Forcat Ajrore të SHBA në Luftën e Dytë Botërore.
Bomba u zbulua shtatë ditë më parë gjatë disa punimeve pranë selisë së Bankës Qendrore Evropiane në Qendrën Financiare Gjermane.
Zona e evakuimit shtrihet në qendër të qytetit dhe përgjatë lumit Maine. Hotelet, restorantet, klubet, shtëpitë e pleqërisë do të evakuohen.
Policia tha se qytetarët e moshuar që jetojnë në zonën e evakuimit do të transferohen në një spital një ditë para operacionit të planifikuar dhe duhet të sjellin dokumente të rëndësishme personale dhe ilaçe.
Trafiku hekurudhor gjithashtu do të pezullohet përkohësisht. Të dielën në mëngjes, tramvajet, autobusët dhe metrote nuk do të funksionojnë.
Ky është një nga evakuimet më të mëdha të ndodhura në Frankfurt. /tesheshi.com/
