Ambasada amerikane në Tiranë ka lëshuar një deklaratë ku dënon sulmet ndaj SPAK-ut, ku qartazi nënkupton Ilir Metën. Ky i fundit, në një lloj çakërdisjeje tipike nga ato të viteve të fundit, lëshoi akuza e madje dhe kërcënime haluçinante ndaj Altin Dumanit, me tendencën e dukshme për ta kompleksuar njeriun që po çon politikën e lartë pas hekurave, me shpresën se kështu do mund t’u shpëtojë prangave.
Kujtojmë që Ilir Meta mund të jetë emri i radhës për t’u ballafaquar me drejtësinë, me atë që tashmë nuk bën kompromis.
“Përshëndesim dënimin nga KLP të sulmeve të drejtpërdrejta dhe të tërthorta kundër SPAK-ut në ditët dhe javët e fundit. Do të vazhdojmë të qëndrojmë në krah të shumicës dërrmuese të qytetarëve shqiptarë që mbështesin institucionet e reja të drejtësisë dhe rolin kyç që ato luajnë në demokracinë e Shqipërisë. SHBA qëndron në krah të profesionistëve të drejtësisë që respektojnë ligjin dhe do të mbështesë të gjithë ata që kërkojnë t’i japin fund pandëshkueshmërisë”, thuhet nga selia e Uashingtonit te Rruga e Elbasanit në kryeqytetin shqiptar.
Siç dihet, SPAK po bën një hetim pasuror mbi Monika Kryemadhin, të shoqen e Metës, duke ia sekuestruar dhe celularin. /tesheshi.com/
