Ministri i Jashtëm shqiptar në detyrë, kosovari Genti Cakaj, ka patur një tjetër përplasje me homologun serb Daçiç, ku sërish i është dashur të tregojë talentin e tij diplomatik përballë një “ujku” të diplomacisë, siç është njeriu gjuhëhidhur i Beogradit për çdo rast kur flitet për Kosovën.
Ka mjaftuar qëndrimi klasik i Daçiçit për mosnjohjen e Kosovës, njëherësh me shpalljen e saj si pjesë të Serbisë, që nga Cakaj të merrte këtë lloj përgjigjeje si reagim:
“E di që po më dëgjon prandaj po të flas. Fjalimi i Daçiç është një retorikë e shekullit XX dhe totalisht pa vend dhe pa sens. Daçiç ka 28 vite në politikë e unë kam 28 vite jetë. Por për shkak të 28 viteve të tij unë kam 28 vjet refugjat”, u shpreh Caka, referuar vuajtjes kosovare nën Serbi.
Kjo përplasje ndodhi në Ministerialin e Varshavës, ku për më tepër Daçiç kërkoi që homologu Pacolli të mos qe aty. /tesheshi.com/
