Ministri i Jashtëm në detyrë, kosovari Gent Cakaj, shpalosi një plan të tij dhe Ramës për një kundërofensivë diplomatike ndaj Beogradit, në ofensivën që Serbia ka ndërmarrë për të diktuar tërheqjen e sa më shumë njohjeve për Kosovën.
Gjatë një interviste në Opinion, i pyetur nga Blendi Fevziu se “a është e vërtetë që Shqipëria do emërojë diplomatë kosovarë në ato vende që nuk e kanë njohur ende Kosovën?”, Cakaj la të kuptuar që “po”, duke u shprehur:
“Informacioni që ju keni mund të jetë i saktë, do të marrim të gjitha masat për fuqizimin për forcimin e Kosovës. Komunikoj ekskluzivisht do të ngrejmë task-forcën për forcimin ndërkombëtar të Kosovës, më diplomatë nga Kosova dhe Shqipëria. Do të procedojmë shumë shpejt me marrëveshjen ndëministrore”, deklaroi Cakaj.
Ai tha më tej se kjo task-forcë do pajiset me diplomatët më të mirë që ka Kosova e Shqipëria. /tesheshi.com/
