Ministri i jashtëm në detyrë, kosovari Gent Cakaj, ka paralajmëruar tjetër ndërhyrje në diplomaci, e atë që ka të bëjë me targat diplomatike të të gjithë konsujve të nderit të Shqipërisë.
“38 konsuj nderi të Shqipërisë përdorin një automjet me targa kombëtare dhe me një shenjë. Në shkelje të habitshme të këtij ligji janë plot 38 konsuj nderi, të pajisur me targa CD, të cilët hyjnë e dalin në vend si përfaqësues më të lartë diplomatikë.
Ky privilegj është i pajustifikueshëm dhe duhet të marrë fund. Informoj të gjithë personat në fjalë do të fillojë menjëherë me kontaktimin e tyre dhe do të dorëzojnë targat diplomatike.
Në bashkëpunim me Ministrinë e Brendshme dhe atë të Transportit, do të merren të gjitha masat që targat në fjalë të dalin jashtë funksionit. Kjo masë nuk ndërlidhet me emra të veçantë, por vjen nga domosdoshmëri e respektimit të ligjit”, u shpreh Cakaj.
I kontestuar për shkak të moshës së tij, Cakaj që e mban detyrën e ministrit të Jashtë falë transferimit që ia ka bërë kryeministri Rama, po ndërmerr së fundi disa reforma në shërbimin diplimatik. /tesheshi.com/
