Keni ngrënë keq gjatë ditëve të fundit? Jeni kequshqyer e keni marrë në dorë ushqime që nuk janë të shëndetshme pasi keni qenë thuajse përherë me vonesë? Si përfundim, ndiheni të fryrë dhe plotë me toksina në trup? Në këtë rast ju vjen në ndihmë një pije shumë e thjeshtë, e cila ju shfryn barkun dhe njëkohësisht ju pastron trupin nga toksinat.
Gjithçka që duhet të bëni është të përzieni çajin me disa gjethe dafine, me pak kanellë. Është shumë efikas. Çfarë duhet? Mjafton një litër ujë, dy shkopinj kanellë, 10 gjethe dafine. Edhe përgatitja është shumë e thjeshtë. Duhet vetëm të vini për të zier ujin me kanellën dhe dafinën. Kur uji të nisë të ziejë, lëreni atë të vijojë zierjen edhe për 15 minuta, bashkë me përbërësit e tjerë. Hiqeni nga zjarri, filtrojeni dhe pijeni.
Si ta konsumoni? Nisni me një filxhan nga përzierja dhe pini maksimumi deri në dy filxhanë në ditë. Çfarë ndodh në trup? Metabolizmi bëhet më i shpejtë, djeg më shumë kalori dhe brenda pak ditësh humbet peshë. Falë vetive të saj antiinflamatore, kjo përzierje mban barkun e sheshtë gjatë gjithë ditës.
Mirëpo, ka edhe paralajmërime shumë të rëndësishme: nuk duhet të konsumoni më shumë se dy filxhanë në ditë. Pse? Kanella përmban një substancë të quajtur cumarinë, e cila mund të jetë toksike nëse merret më shumë sesa duhet. Nuk këshillohet përdorimi në rast shtatzënie. /tesheshi.com/
