Pas dy muajsh ndërprerjeje, sot pritet të rifillojë qarkullimi i trenave në Kosovë. Rifillimin e qarkullimit të trenave e ka konfirmuar ministri i Infrastrukturës, Pal Lekaj.
“Ju konfirmoj që sot në ora 16:00 edhe zyrtarisht do jemi bashkë për të rifilluar qarkullimin e trenave”, ka thënë Lekaj për rtv21.
Ndërprerja e këtyre linjave është bërë për shkak të mungesës së mjeteve financiare, të cilat është dashur të sigurohen nga qeveria.
Qarkullimi i trenave në linjat e rregullta ishte ndërprerë më 2 gusht të këtij viti. /tesheshi.com/
